مين من مستخدمي الانترنت مش بيستخدم برنامج للتحميل , وطبعا البرنامج اللي كل الناس بتستخدمة هو برنامج internet download manager دا حقيقي وانا كمان بستخدمة , بس اللي انا متأكد منه ان كلنا تعبنا من المشاكل الكثيرة اللي في البرنامج
زي مثلاً : التسجيل في البرنامج , البحث عن الباتشات , عدم ظهور علامة التحميل في اليوتيوب وغيرها كتيييييييير
لكن خلاص المشكلة دي راحت من زمان بعد ظهور البرنامج الاكثر من رائع EagleGet ممكن يكون البرنامج مش معروف عند كتير من المستخدمين لكنه فعلا برنامج يستحق التجربة , دا لان البرنامج مجاني ويدعم كل المتصفحات المعروفة وسريع جدا في تحميل الملفات , وبيحمل كل انواع الملفات وكمان الفديوهات
اضافة الي ان البرنامج سهل الاستخدام ويتميز بواجهة جميلة وجذابة .
نيجي بقي لشرح البرنامج : البرنامج سهل جداً ومش محتاج لشرح , التسطيب بيتم عادي جدا زي أي برنامج , واستخدام البرنامج سهل جداً زي ما هنشوف في الصور
من السهم رقم 1 نقدر نختار اللغات والبرنامج بيدعم كل اللغات وطبعا اللغة العربية زي ما احنا شايفين
ومن السهم رقم 2 نقدر نغير مظهر البرنامج ولونة , والحقيقة البرنامج جميل جدا من ناحية تغير المظهر وبيحتوي علي اشكال جميلة
نيجي بقي لتحميل الفديوهات : يعني لو انا عايز احمل فيديو اعمل ايه , الموضوع سهل جداً وبسيط
اول حاجه ننسخ رابط الفيديو
بعدين نعمل لصق للرابط في رقم 1 , وبعد كده نضغط علي رقم 2
طيب لو انا عايز اغير صيغة الفيديو , كل اللي عليا اني اضغط علي رقم 3 وهاتظهر كل الصيغ المتاحة للفيدو اختار اللي انا عايزة وبعدين اضغط تحميل
لتحميل البرنامج اضغط هنا
